Historia
O Ateneo Campelo nace en Silleda en setembro do 2024 para aportar motivación e disciplina ás novas xeracións para que se desenvolvan no futuro como bos profesionais.
O Ateneo é un lugar seguro onde os adolescentes poden dar os seus primeiros pasos en experiencias laborais simuladas e reais de maneira segura e supervisada.
A nosa intención é sacar o máximo potencial de cada rapaz para asegurarnos de que acada os seus obxectivos a longo prazo.
Os nosos valores
Como organización temos uns valores ben claros e definidos que transmitimos ao noso alumnado e ao noso entorno:
Amor polo galego. Todas as comunicacións do Ateneo serán en galego. As aulas, os proxectos e as investigacións tamén se realizarán en galego, a non ser aquelas que requiran doutros idiomas estranxeiros.
Orientación a longo prazo. Creamos bases sólidas que sexan útiles a longo prazo antes que priorizar resultados inmediatos que non teñan impacto no futuro.
Busca da excelencia. Sempre pretendemos que as cousas se fagan da mellor maneira posible tendo en conta as habilidades e os recursos dispoñibles.
Resiliencia e perseveranza. Aínda que os resultados a curto prazo non sexan os esperados, o esforzo sempre ten recompensa.
Respecto polos demais e polo mundo no que vivimos.